Ümid partiyası mitinqi təxirə saldı

12.01.2007. BAKI. Ümid Partiyası Tarif Şurasının qiymətlərin artırılması ilə bağlı qərarına etiraz olaraq yanvarın 13-ə təyin etdiyi mitinqi qeyri-müəyyən vaxtadək təxirə salıb. Bu barədə APA-ya partiyadan məlumat verilib. Məlumatda bildirilir ki, bu gün mətbuatda ölkə başçısına istinadən Tarif Şurasının qiymət artımı ilə bağlı qərarının yanlış olduğu, qərara yenidən baxılacağı barədə xəbərlər yayılıb. Bu bəyanatı nəzərə alaraq partiya mitinqi müəyyən vaxtadək təxirə salmaq barədə qərar qəbul edib.